Lunes, Pebrero 28, 2011

PARA QUENG MACALAUT A CALUGURAN

PARA QUENG MACALAUT A CALUGURAN
by Ernie Turla
Indat apipiunab cung / obat quen ca at queni cu,
Micanlaut cata puestu / queng leparan na ning yatu,
Cabud nia luncut ing pusu / mamagmalun a masolu
At ing busilac a biga / maguing lulam ya queng lua cu.
Ustung acaquit co queni / aldo-aldo reng aliwa
Susuat na ning quening lub cu / nga cung sasabi, "Ot caya
Maralas co pang acaquit / e co man balung bitasa,
Samantalang ing mimiral / queng cacung lub ya ing ala!
Map na mu pin ating "e-mail" / a quecata mamilatan
Babie limbang queng nung ali / maluncut sa ing panamdam.
Queti sulip alang mas mal / alang bague macapaldan
Nune reng taung malugud / a ausan tang caluguran

Walang komento:

Mag-post ng isang Komento